کانگریس لیڈر راہل گاندھی نے منگل کو ایک بار پھر اڈانی کی کمپنیوں میں ہوئے مالی لین دین پر پھر سوال اٹھایا۔ راہل گاندھی مرکزی الیکشن کمیٹی (سی ای سی) کی میٹنگ کے لیے کانگریس کے دفتر پہنچے۔ جب ان سے عدلیہ پر دباؤ ڈالنے کے بی جے پی کے الزام کے بارے میں پوچھا گیا تو انہوں نے جواب دیا، “آپ یہ کیوں پوچھتے ہیں کہ بی جے پی کیا کہتی ہے… سوال صرف یہ ہے کہ اڈانی کی شیل کمپنیوں میں 20000 کروڑ روپے کس کے ہیں؟”
وزیراعظم خاموش، کوئی جواب نہیں! وزیراعظم صاحب اتنا ڈر کیوں؟
راہل گاندھی نے ایک دن پہلے اپنے فیس بک پوسٹ میں لکھا تھا، ’’وزیراعظم جی، آپ سے سوال پوچھے کافی وقت ہو گیا ہے! مجھے ابھی تک آپ کا جواب موصول نہیں ہوا، اس لیے میں اسے دوبارہ دہرا رہا ہوں۔ 20,000 کروڑ روپے کس کے ہیں؟ ایل آئی سی، ایس بی آئی اور ای پی ایف او میں جمع رقم اڈانی کو کیوں دی جا رہی ہے؟ اپنے اور اڈانی کے تعلقات کی حقیقت ملک کو بتائیں!
