نئی نسل کے اساتذہ تیار کرنے کے لیے کیجریوال حکومت بنائے گی دہلی ٹیچرس یونیورسٹی

وزیر اعلی نے مزید کہا کہ ہمارا مقصد ہے کہ اس یونیورسٹی کے ذریعہ بہترین اعلی معیار کے اساتذہ تیار کئے جائیں۔ اس میں انٹیگریٹڈ کورس دیئے جائیں گے۔ بارہویں کے بعد چار سالہ انٹیگریٹڈ ٹیچر ایجوکیشن پروگرام ہوگا۔ اس میں بی اے، بی ایڈ، بی ایس سی اور بی کام بی ایڈ پروگرام شامل ہوں گے۔ ایک طرح سے اس یونیورسٹی میں نیو جنریشن ٹیچرس تیار کیے جائیں گے۔ جب بچے اس یونیورسٹی میں پڑھ رہے ہوں گے، ان کو دہلی حکومت کے اسکولوں کے ساتھ اٹیچ کیا جائے گا۔ اس طرح ان کو ٹریننگ کے ساتھ ساتھ ملازمت بھی ملتی رہے گی۔ چار سال کی ٹریننگ مدت میں وہ سرکاری اسکول کے ساتھ بھی اٹیچ رہیں گے۔ اس دوران وہ تھوریٹیکل ٹریننگ بھی لے سکیں گے اور ان کو پریکٹیکل ٹریننگ بھی بہت اچھے طریقہ سے ملتی رہے گی۔