اسپینش فٹبال چیمپئن لیگ: ریال میڈرڈ نے ٹائٹل جیت لیا

اسپینش فٹبال چیمپئن لیگ کا ٹائٹل ریال میڈرڈ نے اپنے نام کر لیا۔ اہم میچ میں ولار ریال کو 2-1 سے شکست دی، بینزم نے 2 گول اسکور کئے۔ کامیابی پر ریال میڈرڈ کے کھلاڑیوں نے بھرپور جشن منایا۔

دونوں ٹیموں کے درمیان زور کا جوڑ پڑا۔ ریال میڈرڈ کے بین زیم نے 29 ویں منٹ میں پہلا گول پینلٹی کک کے ذریعے کیا اور اپنی ٹیم کو برتری دلا دی۔ بین زیم نے ہی 77 ویں منٹ میں ایک اور گول کرکے اپنی ٹیم کی پوزیشن کو مزید مستحکم کر دیا۔

مخالف ٹیم ولار رالن کے وسینٹ ایبورا نے 83 ویں منٹ میں گول کر کے میچ میں واپس آنے کی کوشش کی مگر یہ کوشش بے کار ثابت ہوئی۔ رال میڈرڈ نے آخری لمحات میں شاندار فاع کیا اور ٹائٹل اپنے نام کیا۔ کامیابی پر کھلاڑیوں نے بھرپور جشن منایا۔ یہ ریال میڈرڈ کا 34 واں لیگ ٹائٹل ہے۔

میچ کے دوران ریال میڈرڈ نے مارکو ایسیسنیو کے ذریعے تیسرا گول کیا لیکن اسے آف سائیڈ قرار دے دیا گیا۔ لالیگا میچز کے دوران سنسنی خیز مقابلے ہوئے۔ ان مقابلوں کے دوران ریال میڈرڈ نے اپنی روایتی حریف بارسلونا کو بھی شکست دی تھی۔ اسپینش فٹ بال لیگ ‘لالیگا’ کو یورپ کی بڑی فٹ بال لیگز میں شمار کیا جاتا ہے۔ اس میں اسپین کے 20 کلبز کی ٹیمیں شریک ہوتی ہیں اور ہر ٹیم 38 میچ کھیلتی ہے۔

کرونا وبا کے باعث مارچ میں لیگ کے میچز دو ماہ کے لیے موخر کر دیے گئے تھے۔ گزشتہ ماہ یورپ میں وبا کا زور ٹوٹنے کے بعد لیگ میچز کا دوبارہ آغاز ہوا تھا۔

لیگ کے طریقہ کار کے مطابق جو ٹیم اتنے پوائنٹس حاصل کر کہ کوئی اور ٹیم اس سے زیادہ پوائنٹس حاصل کرنے کی دوڑ سے باہر ہو جائے تو پوائنٹس ٹیبل پر سرفہرست ٹیم کو فاتح قرار دیا جاتا ہے۔ ہر ٹیم 38،38 میچز کھیلتی ہے لیکن ریال میڈرڈ نے 37 میچز کھیل کر 86 پوائنٹس حاصل کیے جب کہ اس نے 26 میچز میں کامیابی حاصل کی، آٹھ برابر رہے جب کہ صرف تین میں اسے شکست ہوئی۔

دوسرے نمبر پر بارسلونا کی ٹیم ہے جس نے 37 میچز کھیل کر 79 پوائنٹس حاصل کیے۔

اپنے زمانے کے معروف فٹ بالر زیڈان کی کوچنگ میں ریال میڈرڈ چار سالوں میں 11 ٹائٹل اپنے نام کر چکی ہے۔ کامیابی کے بعد زیڈان کا کہنا تھا کہ یہ اُن کی پیشہ ورانہ زندگی کے یادگار دنوں میں سے ایک ہے۔