خطروں کےکھلاڑی کی اس کنٹیسٹنٹ نے ٹھکرایا سلمان خان کا شو، اس وجہ سے’بگ باس-14’ کو کہا نا…

ممبئی: ٹی وی دنیا کا سب سے متنازعہ اور مشہور ریئلٹی شو بگ باس کا 13 واں سیزن اب تک کے سبھی سیزن میں سب سے ہٹ رہا تھا۔ شو کے کنٹسٹنٹ سے لےکر اس کا کانسیپٹ تک خوب سرخیوں میں رہا تھا۔

ایسے میں میکرس ایک بار پھر ایسے کنٹسٹنٹ کی تلاش میں ہیں، جو شو کو ہٹ کرانے میں مدد گار ہوں اور گزشتہ سیزن کی طرح بگ باس کا یہ سیزن بھی ٹی آر پی کے تمام ریکارڈ توڑ دے۔ شو کو انٹرٹینگ (دلچسپ) بنانے میں میکرس کوئی کسر نہیں چھوڑ رہے ہیں اور اب تک کئی اسٹارس سے رابطہ کرچکے ہیں۔ اس درمیان خبر ہے کہ میکرس نے ’خطروں کے کھلاڑی’ سیزن 10 کی کنٹسٹنٹ تیجسوی پرکاش سے بھی رابطہ کیا ہے۔ دراصل، تیجسوی ان دنوں خطروں کے کھلاڑی میں اپنی شرارت اور ببلی نیچر کی وجہ سے سرخیوں میں ہیں۔

اس کے علاوہ تیجسوی پرکاش (Tejasswi Prakash) جس طرح سے ٹاسک کمپلیٹ (مکمل) کرتی ہیں، وہ بھی لوگوں کے درمیان خوب سرخیاں حاصل کر رہی ہیں، لیکن لگتا ہے ٹی وی سیریل ’سورگنی’ سے سرخیوں میں آئیں تیجسوی پرکاش ابھی اس کےلئے تیار نہیں ہیں۔ تیجسوی پرکاش نے بتایا کہ وہ فی الحال بگ باس جیسا ریئلٹی شو کرنے کے لئے تیار نہیں ہیں۔ ٹائمس آف انڈیا سے بات چیت کرتے ہوئے اداکارہ نے بتایا کہ انہیں بگ باس-14 کے لئے میکرس کی طرف سے اپروچ کیا گیا تھا، لیکن وہ ابھی اس کے لئے تیار نہیں ہیں۔ وہ فی الحال فکشن شو ہی کرنا چاہتی ہیں۔

بگ باس -14 میں آنے کے سوال پر اداکارہ تیجسوی پرکاش نے کہا- ’مجھے کئی بار بگ باس کا آفر ملا، جب میں ’سورگنی‘ (Swaragini) کر رہی تھی، تب پہلی بار اس شو کےلئے مجھے آفر ملا تھا۔ اس سال بھی شو کا آفر ملا ہے، لیکن فی الحال میں صرف فکشن شو کرنا چاہتی ہوں۔ آپ کو وہی کرنا چاہئے، جس کےلئے آپ یہاں آئے ہیں۔ اور میں صرف اداکاری کرنا چاہتی ہوں۔ پہلے میں ایک اداکارہ ہوں۔ حالانکہ، کہتے ہیں کہ ’کبھی نہیں’ نہیں کہنا چاہئے، لیکن پھر بھی مجھے موقع دیا جائے گا تو میں صرف فکشن شو کرنا چاہوں گی’۔